44 günlük vətən müharibəsinin böyük Zəfəri Azərbaycan ərazilərinin

Ermənistan işğalından azad edərək, tarixinin ən yeni və şanlı dövrünə qədəm qoydu.

 Azərbaycanın Silahlı Qüvvələri Müzəffər Ali Baş Komandan İlham Əliyevin rəhbərliyi ilə 27 sentyabr 2020-ci ildə bütün əks hücum əməliyyatlarını yüksək səviyyədə həyata keçirməklə Ermənistan hərbi birləşmələrinin 30 ilə yaxın dövr ərzində işğalda saxlayaraq ərazisində güclü hərbi istehkamlar, maneələr, müdafiə xətləri qurduğu Azərbaycan torpaqlarını 44 gün ərzində azad etdi, şanlı Zəfər qazandı və tarixi ədaləti, ölkəmizin ərazi bütövlüyünü bərpa etdi. Vətən müharibəsində Azərbaycan parlaq qələbə qazanaraq Ermənistanı məğlub etdi, işğala son qoydu. Bu 44 günün hər günü Azərbaycanın şanlı tarixidir. 19 sentyabr 2023-cü ildə isə Azərbaycan Respublikası öz ərazisində lokal xarakterli antiterror əməliyyatına başladı. 23 saat 38 dəqiqə davam edən antiterror tədbirləri uğurla başa çatdırıldı. Bütün bunların sonunda Azərbaycan öz suverenliyini tam bərpa etdi.

Azərbaycan xalqı və dövləti Vətən uğrunda şəhid olan qəhrəman övladlarının işıqlı xatirəsini əziz tutur, onları daim xüsusi ehtiramla yad edir, qazilərin əməyini yüksək qiymətləndirir və onlarla qürur duyur.

Ölkənin ərazi bütövlüyünün bərpası dövlətimiz üçün beynəlxalq hüququn və milli-mənəvi dəyərlərin aliliyinin nümayişidir.

Azərbaycan iqtisadiyyatının tərkib hissəsinə çevrilməsi məqsədilə işğaldan azad edilmiş bölgələrdə məskunlaşma, layiqli yaşayış və iqtisadi fəallıq təmin ediləcək, bu ərazilərdə həyata keçiriləcək quruculuq-bərpa işləri ölkəmizin sosial-iqtisadi inkişafının əsaslarını daha da möhkəmləndirməklə yanaşı, Azərbaycanın yeni inkişaf prosesində mühüm mərhələ olacaqdır.

Vətən müharibəsi Azərbaycan xalqının Qarabağ həsrətinə son qoymaqla yeni dövr, yeni imkanlar, yeni dövlət proqramının yaranması zərurətini yaratdı. İşğaldan azad edilmiş ərazilərdə ən müasir standartlara uyğun bərpa və yenidənqurma işlərinə başlanıldı. Mənfur düşmən 30 il ərzində işğal altında saxladığı ərazilərdə bütün infrastrukturu dağıtmaqla yanaşı, ərazilərin flora və faunasını da demək olarki məhv etmişdir. Qarabağ və Şərqi Zəngəzur iqtisadi rayonlarında 30 il ərzində düşmən tərəfindən dağılmış bütün infrastrukturun mərhələli şəkildə bərpasına başlanılmışdır. İşğaldan azad edilmiş ərazilərdə quruculuq-bərpa işlərinin aparılması istiqamətində Azərbaycan Respublikasının Məcbur Köçkünlərin Sosial İnkişaf Fondunun payına mühüm dövlət proqramının icrasının müəyyən hissəsi həvalə edilmişdir. Məcbur Köçkünlərin Sosial İnkişaf Fondunun 24 illik fəaliyyəti dövründə məcburi köçkünlərin mənzil və məişət şəraitinin yaxşılaşdırılması istiqamətində aşağıda göstərilən layihələri və dövlət proqramlarını uğurla həyata keçirmişdir.

      Prezidentin Ehtiyyat Fondu, Dövlət Neft Fondu və Dövlət əsaslı vəsait qoyuluşu (investisiya xərcləri) hesabına ayrılan vəsaitlər üzrə isə bütün infrastrukturu ilə təmin edilmiş 78 qəsəbə və 25 hündür mərtəbəli binalardan ibarət məhəllələr tikilərək məcburi köçkünlərin mənzil-məişət şəraitinin yaxşılaşdırılmasına yönəlmişdir. Bura 288 hündür mərtəbəli bina, 37397 mənzil və fərdi evlər, 86 məktəb, 7 musiqi məktəbi, 67 uşaq bağçası, 5 xəstəxana, 23 tibb məntəqəsi, 12 amblatoriya, 25 ferşer-mama məntəqəsi, 62 İcma mərkəzi, 14 yanğınsöndürmə deposu, 71 inzibati bina, 2 yerli icra hakimiyyəti binası, 53 rabitə qovşağı, 8 baytarlıq məntəqəsi, 31 hamam, 1 İdman olimpia kompleksi, 243 artezyan quyusu, 238 su anbarı, 110 nasos stansiyası, 792 yüksək gərginlikli iri və kiçik transfarmator, 34 elektrik yarımstansiyası, 823 km yol, 1006 km su xətti, 1838 km elektrik xətti, 541 km qaz xətti, 105 km kanalzasiya xətti, 11310 iriqasiya sistemi və s. bu kimi işlər daxildir.

 Bu gün isə Azərbaycan Respublikasının Məcbur Köçkünlərin Sosial İnkişaf Fondu artıq yeni dövrə qədəm qoymuşdur. Məcburi köçkünlər üçün  müvəqqəti ölkəmizin müxtəlif rayonlsrında deyil məhz öz döğma kəndlərinin yenidən və daimi tikintisini və yenidən qurulmasında Dövlət başçısının tapşırıq və göstərişlırini qürurla icra edir.

Hal hazırda Şərqi Zəngəzur iqtisadi rayonuna daxil olan Laçın rayonun Zabux və Sus kəndlərinin tikintisi uğurla aparılır. Eyni zamanda Laçın rayonunu Güləbird, Kəlbəcər rayonunun Zar, Zallar və Yanşaq kəndlərinin Layihələndirmə mərhələsi icra olunur. Eyni Zamanda Cəbrayıl rayonunun Şükürbəyli kəndinin söküntü işlərinə başlanılmışdır.